നന്നായിടും നാളെ

നന്നായിടും നാളെ
--------------
ഇന്നെന്നതൊന്നത്‌ തീർന്നിനി നാളെയായി
നന്നായിടും ഇനി നാളെയതൊരാശയായി
നന്നായ്‌ ഉണർന്ന അറിവുള്ളമനസ്സിൽ വാക്ക്‌
വന്നാലതോ മഹിമയായ്‌ വരമതായി

മരുന്നും മന്ത്രവും

മരുന്നും മന്ത്രവും
മനസ്സിലും ഉയിരിലും ഊന്നാൻ
മരുന്നായി മന്ത്രങ്ങളായി
ഉണരുന്ന ഉരുവിൻ ഉയിരിൽ
മരുന്നായി മന്ത്രങ്ങളായി

ഉയിരായ ഉയിരിനെല്ലാമായ്‌
ഉരുവാക്കും മന്ത്രങ്ങളായി
ഉരുവാക്കും മന്ത്രങ്ങളാലെ
ഉണർവ്വിന്റെ മരുന്നുകളായി

ഉയിരിൻ തീ അണയാതിരിക്കാൻ
മരുന്നായി മന്ത്രങ്ങളായി
മനശക്തി ഉണർത്താൻ ഉയർത്താൻ
മരുന്നായി മന്ത്രങ്ങളായി

axararaxa

അക്ഷരരക്ഷ
--------
ശബ്ദങ്ങൾ അക്ഷരങ്ങളായ്‌
അർത്ഥങ്ങൾ അക്ഷരത്തിലായ്‌
താളത്തിൽ അക്ഷരങ്ങളായ്‌
മേളത്തിൽ ആട്ടമാകെയായ്‌

നാദാർത്ഥതാളമേളങ്ങൾ
ആക്കുന്ന അക്ഷരങ്ങളാൽ
ആവുന്നവിദ്യതന്നെയായ്‌
ആകയാം അക്ഷരവിദ്യ

അക്ഷരവിദ്യയിൽ നിന്ന്
അക്ഷയമഹിമകളായി
അക്ഷരരക്ഷയാവുന്ന
ഇക്ഷിതി മാനവരക്ഷ